«Pozucu»nun uçuşu

Vyetnam müharibəsinin beşinci ili davam edirdi. Leytenant Ceyk Qrefton əfsanəvi Frenk Kamparellinin rəhbərlik etdiyi təyyarədaşıyan gəmidə xidmət edir. O, ən sərt hava şəraitində uça bilən, lakin müdafiə silahı olmayan xüsusi A-6 bombardmançı təyyarəsini idarə edir. Növbəti tapşırıq zamanı Ceyk yaxın dostu olan komanda yoldaşını itirir.

Çox keçmədən Qreftonun ekipajına böyük təcrübəyə malik bombardir Vircil Koul təyin olunur. Hər cür sınaqdan keçmiş yeni şturmanla anlaşan Ceyk müharibənin gedişatını dəyişdirə biləcək gizli və son dərəcə təhlükəli bir uçuş həyata keçirməyə qərar verir.

1990-cı ildə ekranlara çıxan «Flight of the Intruder» filmi ABŞ istehsalıdır və triller ilə hərbi dram janrlarını birləşdirir. Con Milius tərəfindən lentə alınan ekran əsərində baş rolları Mayk Colli, Brayan Ho, Duqlas Roberts və Fred Dolton Tompson canlandırıb.