Baza

Meksikalı narkobaronun təhvil verilməsi qanlı toqquşma ilə nəticələndikdən sonra ordu rəhbərliyi hadisənin səbəblərini araşdırmaq qərarına gəlir. Bu mürəkkəb tapşırıq kəşfiyyat zabiti Con Mörfiyə həvalə olunur. Həqiqəti üzə çıxarmaq üçün o, sərhəddə yerləşən hərbi obyektə göndərilir.

Con qanunsuz silah və narkotik ticarətində şübhəli bilinən xüsusi təyinatlıların arasına daxil olmalıdır. Ağır fiziki sınaqlardan uğurla keçən kəşfiyyatçı zabitlərin etibarını qazanmağı bacarır. Şübhələr təsdiqləndikcə Mörfi ordudakı cinayətkar şəbəkəni təkbaşına ifşa etmək məcburiyyətində qalır.

ABŞ istehsalı olan «Baza» (The Base) döyüş filmi 1999-cu ildə nümayiş olunub. Ekran əsərinin rejissoru Mark L. Lesterdir. Əsas rolları Kristian Boçer, Luis Peres, Pola Triki və Tim Ebell canlandırıblar.