Polad əllər

Yaxın gələcəkdə Yer kürəsi ekoloji böhranla üz-üzə qalır, nəhəng korporasiyalar isə təbiəti çirkləndirməyə davam edir. Onlara qarşı Artur Mozelinin başçılıq etdiyi ekoloqlar hərəkatı mübarizə aparır. Təşkilatın liderini aradan qaldırmaq istəyən korporasiya rəhbəri Frensis Törner qəzaya düşmüş Pako adlı şəxsi kiborqa çevirir. Lakin tapşırığı icra edərkən Pakonun daxilindəki insani hisslər sistemə qalib gəlir və o, Mozelini sağ buraxır.

Həm polisin, həm də Törnerin adamlarının təqibindən qaçan Pako Arizona ştatına yollanır. O, burada mehriban sahibəsi tərəfindən sığınacaq verilən kiçik bir mehmanxanada gizlənir. Lakin çox keçmədən cinayətkarlar və asayiş keşikçiləri qaçqının izinə düşürlər.

«Polad əllər» (Vendetta dal futuro) bədii filmi 1986-cı ildə İtaliyada rejissor Sercio Martino tərəfindən ekranlaşdırılıb. Filmin əsas rollarında Donald O'Brayen, Corc İstmen, Canet Aqren və Roberto Bizakko çəkiliblər.