Ağ Pələng

Xüsusi təyinatlı dəstənin döyüşçüsü Mayk Rayan narkotik alverçilərinə qarşı keçirilən uğursuz əməliyyat zamanı ən yaxın dostunu və xidmət yoldaşını itirir. Həlak olan həmkarının ailəsi Mayk üçün doğma insanlara çevrildiyindən, o, bu cinayəti cəzasız qoymaq niyyətində deyil. İntiqam almaq istəyən əsgər Honkonq narkobaronu, cinayət aləmində «Ağ pələng» ləqəbi ilə tanınan Çounun izinə düşür.

Mayk Çaynataunun yerli barlarından birində ona kömək təklif edən Ceyd adlı qadınla qarşılaşır. Eyni zamanda narkotik şəbəkəsinin rəhbərliyi şübhəli şəxsləri aradan qaldırmaq üçün muzdlu qatil göndərir. Polisin onun ardınca düşdüyünü öyrənən Çou isə Ceydə Maykı tələyə salmağı tapşırır, lakin mafiyanın göndərdiyi qatilin əsl kimliyindən xəbərsizdir.

«Ağ Pələng» filmi 1996-cı ildə ABŞ və Kanadanın birgə istehsalı ilə çəkilmiş döyüş janrında ekran əsəridir. Rejissoru Riçard Martin olan layihədə əsas rolları Ron Yuan, Filip Qreyndcer, Corc Çunq və Dena Li canlandırıb.