Əsgər uşaqlar

Vyetnam sərhədi yaxınlığında Vin Monun başçılıq etdiyi qruplaşma BMT-nin humanitar yardım daşıyan təyyarəsini vurur. Qəzadan sonra yalnız varlı bir iş adamının qızı Qabriella sağ qalır. Təsirli əlaqələri olan ata qızını xilas etmək üçün həbsdə yatan keçmiş mayor Toliverə müraciət etmək qərarına gəlir.

İstefadakı general ilə birlikdə həbsxanaya gələn biznesmen keçmiş hərbçiyə sərfəli təklif irəli sürür. Bu çətin tapşırığı yerinə yetirmək üçün Toliver adi əsgərləri təhlükəyə atmamaq məqsədilə dəstəyə elə həmin həbsxananın məhbuslarını toplayır.

1995-ci ildə ABŞ-da istehsal olunmuş «Soldier Boyz» filminin rejissoru Lui Mornodur. Əsas rolları Corc Kristi, Jaklin Obradors, Tayrin Törner və Demetrius Navarro canlandırıblar.