Prezidio

ABŞ ordusunun podpolkovniki Alan Kolduell ilə San-Fransisko polis müfəttişi Cey Ostin çoxdandır bir-birinə nifrət edir. İki il əvvəl aralarında baş verən kəskin qarşıdurma onları barışmaz düşmənə çevirib. Lakin «Prezidio» hərbi bazasında törədilən amansız qətl hadisəsi hər iki tərəfi eyni cinayəti araşdırmağa məcbur edir.

Müfəttiş Ostinin podpolkovnikin gənc qızına maraq göstərməsi kişilər arasındakı gərginliyi daha da artırır. Şəxsi münasibətlər böyük fəlakətə səbəb olmaq ərəfəsindəykən araşdırma gözlənilməz istiqamət alır. Həyatlarını xilas etmək istəyən zabitlər köhnə ədavəti unudaraq birgə hərəkət etmək məcburiyyətində qalırlar.

«Prezidio» filmi 1988-ci ildə ABŞ-da rejissor Piter Hayams tərəfindən ekranlaşdırılıb. Detektiv və döyüş janrında çəkilən kinoda baş rollarda Frenk Orsatti, Bob Delegall, Rik Tsumvalt və Castin De Roza çəkiliblər.