Məni xilas et

Fotoqrafiya həvəskarı olan məktəbli gənc məktəbin ən gözəl qızına aşiqdir. Qızın öz idmançı sevgilisi ilə çay kənarında görüşəcəyini öyrənən yeniyetmə onların çılpaq çiməcəyini düşünüb kamerasını götürür və ağacda gizlənir. Lakin həmin məkanda səhrada qəzaya uğramış təyyarənin yanından saxta aksiz markaları tapan başqa bir nəfər fırıldaqçılarla görüş təyin edib.

Danışıqlar plan üzrə getmir: cinayətkarlar markaları və pulları ələ keçirir, üstəlik qızı da girov götürürlər. Bankir atadan dörddəbir milyon dollar tələb edən dələduzların arxasınca düşmək üçün gənc oğlan həmin satıcını tapır. Vyetnam müharibəsi veteranı olduğu üzə çıxan bu adamı fotolarla razı salan fotoqraf onunla birgə xilasetmə planına başlayır və bu səyahət zamanı onlar dostlaşırlar.

1992-ci il istehsalı olan «Rescue Me» («Məni xilas et») döyüş və komediya filminin rejissoru Artur Allan Seydelmandır. ABŞ istehsalı layihədə baş rolları Emi Dolens, Piter Elliott, Richard Jenkins Jr. və Isabel Jenkins Ziegler canlandırıb.