Vulkan: Alovlu Dağ

Encel-Leyks dağ-xizək kurortu əsrlər boyu təhlükəsiz yer sayılırdı, çünki yaxınlıqdakı Encel-Pik zirvəsi çoxdan sönmüş vulkan hesab olunurdu. Lakin seysmoloji vəziyyətdəki dəyişiklikləri araşdırmaq üçün bura keçmiş xilasedici, vulkanoloq Piter Sleyter gəlir. O, vaxtilə münasibətdə olduğu Kelli Adams və onun yerli polis rəisi olan qardaşı Bak ilə yenidən qarşılaşır. Elə həmin vaxt dağda qaz sızması baş verir və xizəkçilərin həyatı birbaşa təhlükə altına düşür.

Piter yamacların dərhal bağlanmasını tələb etsə də, yerli hakimiyyət nümayəndələri fərqli fikirdədir. Şəhər meri Bob Hart və biznesmen Korbin Los-Ancelesdən gəlmiş sərmayəçi Bill Uebb ilə gəlirli müqavilə bağlamaq istəyirlər. Çox keçmədən qorxulu yeraltı təkanlar başlayır: elektrik və telefon rabitəsi kəsilir, baş verən uçqun isə bütün çıxış yollarını bağlayaraq insanları tələyə salır.

1997-ci ildə nümayiş olunmuş «Vulkan: Alovlu Dağ» filmi ABŞ və Kanada istehsalıdır. Bu dramatik fəlakət filminin rejissoru Qrem Kempbelldir. Baş rolları Den Korteze, Kerri MakFerson, Timur Karabilgin və Con MakKonnax canlandırıblar.