Delta Dəstəsi

Bir qrup terrorçu amerikalı turistləri girov götürərək Beyruta aparır. Yaranmış böhranı həll etmək üçün ABŞ prezidenti ordu xüsusi təyinatlılarını hərəkətə keçirir. İnsanları xilas etmək tapşırığı polkovnik Nik Aleksander və mayor Skott Makkoyun rəhbərlik etdiyi elit qrupa həvalə olunur.

Yaxın Şərqə çatan döyüşçülər əməliyyatın detallarını dəqiqləşdirir. Qadınlar və uşaqlar sərbəst buraxılsa da, silahlılar kişiləri dəniz sahilində yerləşən məktəb binasında saxlamağa davam edir. Dəstə üzvləri partlayışlar və güllə yağışı altında düşmən mövqelərinə hücum edərək girovları azad etməyə çalışır.

«The Delta Force» filmi 1986-cı ildə rejissor Menahem Qolan tərəfindən lentə alınıb. ABŞ və İsrail istehsalı olan bu hərbi döyüş filmində əsas rolları Çarlz Qrant, Uri Qavriel, Menahem Eyni və Cek Messincer canlandırıb. Layihə eyniadlı franşizanın ilk hissəsidir.