Qaçaqmalçı Luka

Luka Neapolda siqaret qaçaqmalçılığı ilə məşğul olan kiçik cinayətkarlardan biridir. Şəhərdə qəddar bir qruplaşma peyda olub yerli qaçaqmalçıları sıradan çıxarana və Lukanın qardaşını qətlə yetirənə qədər onun işləri qaydasında gedir.

Qisas almağa and içən qəhrəman şəhərin yeni cinayətkar qüvvələri ilə açıq münaqişəyə girir. Bu addım təkcə onun sağlamlığına zərər vurmur, həm də həyat yoldaşı ilə uşağının həyatını təhlükə altına qoyur. Mübarizəsini sona qədər davam etdirmək niyyətində olan Luka gözlənilməz nəticə ilə bitəcək son qarşıdurmaya yollanır.

1980-ci ildə çəkilmiş İtaliya istehsalı olan bu döyüş filminin rejissoru Luçio Fulçidir. Ekran əsərində baş rolları Fabio Testi, Romano Puppo, Benito Paçifiko və Ferdinando Murolo canlandırıblar.