Ədalətli oyun

Avstraliyanın kimsəsiz yolunda Cessikanın köhnə «Ford» avtomobili üç ovçunun hədəfinə çevrilir. Cip və furqonla hərəkət edən dostlar qıza sataşaraq onun maşınına zərər vururlar. Əsəbiləşən Cessika həmin şəxsləri ovladıqları əti təhvil verdikləri ticarət məntəqəsində tapır və onların bu hərəkətlərinə kəskin etirazını bildirir.

Eşitdikləri sözlərdən incidilən ovçular bu cür davranışı cavabsız qoymamaq qərarına gəlirlər. Onlar qıza dərs vermək niyyəti ilə hərəkətə keçirlər və adi qarşıdurma qorxulu bir təqibə çevrilir.

1986-cı ildə ekranlara çıxan «Ədalətli oyun» («Fair Game») filmi Avstraliya istehsalıdır. Ekran işinin rejissoru Mario Andriççiondur, əsas rolları isə Kassandra Delani, Piter Ford, Don Barker və Toni Kley canlandırıblar.