Gözə göz

Narkotiklərlə mübarizə şöbəsinin əməkdaşı Şon Keyn xidmət yoldaşının həlak olmasından sonra polis sıralarını tərk etmək məcburiyyətində qalır. Lakin keçmiş həmkarının yaxın dostu olan televiziya jurnalisti Linda qətlə yetirildikdə, Keyn kənarda qala bilmir. O, hadisələrin səbəbini anlamaq üçün şəxsi araşdırmasına başlayır.

İzlərin arxasınca gedən keçmiş polis cinayətlərin Honq-Konq triadalarının gizli narkotik dövriyyəsi ilə bağlı olduğunu üzə çıxarır. Üstəlik, bu çirkli cinayət şəbəkəsinə bəzi keçmiş polis əməkdaşlarının da qatıldığı məlum olur. Qanunun təkbaşına işləmədiyini görən Keyn ədaləti öz əllərinə alır və cinayətkarlarla təkbaşına mübarizə aparmaq qərarına gəlir.

1981-ci ildə ABŞ-da istehsal olunmuş «An Eye for an Eye» filminin rejissoru Stiv Karverdir. Ekran əsərinin əsas rollarında C.E. Frimen, Kelli Co Horton, Co Lerer və Professor Toru Tanaka çəkiliblər.