Təkbaşına Ədalət

Polis əməkdaşı Arti xüsusi əməliyyat zamanı həmkarı və dostunu itirir. Həlak olan yoldaşının üç uşağını tək qoymaq istəməyən asayiş keşikçisi onları öz himayəsinə götürməyə qərar verir. Lakin onun ailə büdcəsi bu qədər gözlənilməz xərcləri ödəmək üçün yetərli olmur.

Maddi vəziyyətdən çıxış yolu axtaran Arti pulları qanunsuz yolla varlanan cinayətkarlardan almağı düşünür. Onun ilk hədəfinə iri narkotik alverçisi çevrilir. Əgər rəsmi məhkəmə salonunda cəzadan yaxa qurtarmaq mümkündürsə, bu polisin şəxsi ədalətindən heç kim qaça bilməyəcək.

ABŞ istehsalı olan «One Good Cop» filmi 1991-ci ildə rejissor Heyvud Quld tərəfindən çəkilib. Ekran əsərinin əsas rollarında C.E. Frimen, Frenk Ferrara, Tyerri Terner və Castin De Roza çəkiliblər.