Most Wanted

Dəniz piyadası Ceyms Dann İraqdakı hərbi xidməti zamanı onyaşlı uşağa atəş açmaqdan imtina edir və özünü qoruyarkən bu əmri verən çavuşu qətlə yetirir. Bu hadisədən sonra edam cəzasına məhkum edilən Dann gözlənilmədən həbsxanadan xilas edilir. Polkovnik-leytenant Keysi ona gizli dövlət bölməsində xidmət etmək şərtilə azadlıq təklif edir.

Dannın ilk tapşırığı veteranlar üçün xəstəxananın açılışında tanınmış bir sənayeçini aradan qaldırmaq olur. Lakin o hələ tətiyi çəkməmiş başqa bir snayper tədbirə qatılan ölkə prezidentinin həyat yoldaşını öldürür. Tələyə salındığını dərk edən Ceyms qaçmağa məcbur qalır və hadisə yerində əsl qatili videoya çəkən qadın həkimlə birlikdə həqiqəti üzə çıxarmağa çalışır.

ABŞ istehsalı olan «Most Wanted» döyüş filmi 1997-ci ildə rejissor Devid Hoqan tərəfindən ekranlaşdırılıb. Ekran əsərinin əsas rollarında Maykl Milhoun, Darren Tun, Amanda Kravat və Taker Smollvud çəkiliblər.