Qross-Poyntda qətl

Peşəkar muzdlu qatil Martin Blenk qaçıb getdiyi doğma Qross-Poynt şəhərciyinə on il sonra yenidən qayıdır. Səfərə məzunların yubiley görüşü bəhanə olur. O, vaxtilə məzuniyyət axşamı tərk etdiyi keçmiş sevgilisi ilə münasibətləri bərpa etmək və eyni zamanda yeni sifarişini həyata keçirmək istəyir.

Lakin planlaşdırılan işlər gözlənildiyi kimi rahat getmir. Martinin izinə düşən dövlət agentləri onu yaxalamaq üçün fürsət axtarır. Bundan əlavə, təhlükəli peşədəki həmkarı və rəqibi də arxadan addımlayaraq onun işini çətinləşdirir.

«Qross-Poyntda qətl» filmi 1997-ci ildə ABŞ-da lentə alınıb və rejissor Corc Armitec tərəfindən çəkilib. Komediya, döyüş və kriminal janrlarını birləşdirən ekran əsərində Minni Drayver, Maykl Kudlits, Sem P. Vaythed və Karlos Cekott kimi aktyorlar rol alıb.