Evolver

Vəhşi cəngəlliklərin dərinliyində doktor Rassel Bennet düşməni təkbaşına aşkarlayıb məhv etmək üçün yaradılmış döyüş maşınını sınaqdan keçirir. Cihaz təlim maketlərini sıradan çıxardıqdan dərhal sonra canlı insanlara tərəf yönəlir. Bir neçə il keçdikdən sonra isə «Turboplay Industries» şirkəti həmin texnologiyaya əsaslanan yeni elektron oyuncağı istifadəyə verir.

«Evolver» adlı bu cihaz hər məğlubiyyətdən sonra öz proqramını təkmilləşdirir və rəqibinə qalib gəlmək üçün getdikcə daha az şans tanıyır. Nəticədə virtual qalibiyyət naminə robot heç bir qayda tanımır və qarşısına çıxan hər kəsi hədəf seçərək istənilən vasitəyə əl atır.

Rejissor Mark Rosmanın çəkdiyi bu fantastik döyüş filmi 1995-ci ildə ABŞ-da istehsal olunub. Əsas obrazları Vilyam H. Meysi, İtan Embri, Con de Lansi və Pol Duli canlandırıblar.