Darc

Uşaqlıqda Yaponiyada yaşayan Ceyk anasının qətlə yetirilməsinin şahidi olub. Həmin vaxt anası fahişəliklə məşğul idi və bu faciə onun həyatında silinməz iz qoyub. İllər keçdikdən sonra həbsxanada cəza çəkən Ceykə İnterpol əməkdaşı tərəfindən azadlığa çıxmaq təklif edilir.

Polis əməkdaşı ondan qaçırılmış qızını tapmaq üçün yakuza qruplaşmasının içinə sızmasını istəyir. Ceyk əvvəlcə bu işdən imtina etsə də, tezliklə cinayətkarların kimliyini öyrənir. Məlum olur ki, agentin qızını oğurlayanlar illər əvvəl onun anasını qətlə yetirən şəxslərdir.

ABŞ istehsalı olan «Darc» adlı döyüş və triller filmi 2018-ci ildə işıq üzü görüb. Ekran əsərinin rejissoru Culius R. Nassodur, əsas rolları isə Doun Oliveri, Larri Lam, Conni Max və Kəndas Çörçill canlandırıb.