Virus

Güclü qasırğadan sağ çıxan kiçik ABŞ yedək gəmisinin heyəti okeanda kimsəsiz qalmış Rusiya elmi-tədqiqat gəmisi ilə qarşılaşır. Nəhəng gəmidə heç kimin olmadığını görən dənizçilər onu ən yaxın limana aparmağı və xilasetmə müqabilində təxminən 30 milyon dollar mükafat almağı planlaşdırırlar.

Lakin dənizçilər qaranlıq göyərtəni araşdırmağa başladıqda onların planı gözlənilməz təhlükə ilə üzləşir. Məlum olur ki, yadplanetli mutasiyaedici həyat forması gəmiyə hücum edərək bütün heyəti məhv edib və nəzarəti ələ keçirib.

1998-ci ildə çəkilmiş «Virus» elmi-fantastik qorxu filminin rejissoru Con Brunodur. ABŞ, Böyük Britaniya, Almaniya, Yaponiya və Fransanın birgə istehsalı olan bu ekran əsərində əsas rolları Donald Sazerlend, Marşall Bell, Kliff Körtis və Joanna Pakula canlandırıb.