Yeni işçi

Los-Anceles polisinin təcrübəli detektivi Nik Pulovski bahalı avtomobil oğurluqları ilə məşğuldur. İş yoldaşının həlak olmasından sonra ona köməkçi kimi David Akkerman adlı gənc təyin edilir. Zəngin ailədə böyümüş və universitet bitirmiş bu gənc uşaqlıqda qardaşının ölümünə səbəb olduğu üçün hələ də daxili qorxu və vicdan əzabı çəkir.

Davidin keçmişdən gələn narahatlıqları onun polis fəaliyyətinə ciddi təsir göstərir. Strom adlı quldurbaşının idarə etdiyi cinayətkar qruplaşmanın arxasınca düşən cütlük tezliklə böyük təhlükə ilə üzləşir. Yaranmış mürəkkəb vəziyyət gənc əməkdaşı qorxularının öhdəsindən gəlməyə məcbur edir.

ABŞ istehsalı olan «The Rookie» filmi 1990-cı ildə rejissor Klint Istvud tərəfindən çəkilib. Ekran əsərində əsas rolları Raul Xuliya, Roberta Vaskes, Donna Mitçell və Pol Batler ifa ediblər.