Qəfil ölüm

Stenli kubokunun həlledici xokkey oyunu zamanı nəhəng idman arenası silahlı cinayətkarlar tərəfindən girov götürülür. Hücuma rəhbərlik edən keçmiş təhlükəsizlik xidməti əməkdaşı müxtəlif bank hesablarına böyük məbləğdə pul köçürülməsini tələb edir. Şərtlər yerinə yetirilmədikdə və ya gecikdirildikdə, terrorçular stadionu partlatmaqla hədələyirlər.

Lakin cinayətkarların planı idman kompleksinin yanğınsöndürəni ilə qarşılaşdıqda pozulur. Həmin vaxt tribunalarda olan minlərlə tamaşaçının, o cümlədən öz övladlarının həyatının təhlükədə olduğunu görən yanğınsöndürən təkbaşına hərəkətə keçməyə məcbur olur.

1995-ci ildə ABŞ-da çəkilmiş «Sudden Death» döyüş və triller filminin rejissoru Piter Hayamsdır. Ekran əsərində əsas rolları Keyt MakNil, Dorian Hervud, Ed Evanko və Rozin «Eys» Heytem canlandırıblar.