İk

İstbruk qəsəbəsinin keçmiş futbol ulduzu Henkin idman karyerası 2000-ci illərin əvvəlində yarımçıq qaldı. Sevgilisi Steysi ilə ayrılıq və ətrafa yayılan qəribə bir bitkinin səbəb olduğu ağır zədə onun bütün planlarını alt-üst etdi. İllər sonra yerli məktəbdə biologiya müəllimi işləyən Henk həmin bitkini tədqiq etməyə davam edir. Hər tərəfi bürüyən bu yaşıllığa onun şagirdi Qreysdən başqa heç kim fikir vermir. Qızın Steysinin övladı olduğunu bilən Henk onun öz doğma qızı ola biləcəyindən şübhələnir və atalıq testi etdirmək istəyir.

Ailə məsələləri və keçmişin ağrıları sirli bitkinin aqressivləşməsi ilə arxa plana keçir. Zərərsiz görünən yadplanetli flora qəflətən qəsəbə sakinlərinə hücum etməyə başlayır. Henk və ətrafındakılar təbiətin bu amansız təhlükəsinə qarşı sağ qalmaq uğrunda mübarizəyə qoşulurlar.

«Ick» filmi 2024-cü ildə rejissor Cozef Kan tərəfindən çəkilib. ABŞ və BƏƏ istehsalı olan bu fantastik qorxu komediyasında əsas rolları Peter Vonq, Diya Rao, Metyu Hovard və İtan A. Polhemus canlandırıb.