Mükəmməl silah

Atası Ceffin intizam qazanması üçün onu uşaq vaxtı kenpo döyüş sənəti məktəbinə yazdırır. İllər keçdikcə məşqlər öz bəhrəsini verir və ustad Kim gənc üçün ən doğma adamlardan birinə çevrilir. Lakin günlərin birində müəllimi Koreya mafiyası hədəfə alır. Ceff ustadını xilas etməyə çalışsa da, naməlum qatil onu qətlə yetirir.

Ustadının ölümü Ceffi intiqam almağa məcbur edir. O, illər boyu öyrəndiyi bütün döyüş fəndlərindən istifadə edərək cinayətkar qruplaşmaya qarşı təkbaşına mübarizəyə başlayır. Qəhrəman qatilləri və sifarişçiləri tapmaq üçün heç nədən çəkinmir.

1991-ci ildə ABŞ-da istehsal olunmuş «The Perfect Weapon» filminin rejissoru Mark DiSalledir. Döyüş və kriminal elementlərini birləşdirən ekran əsərində Tom Elliott, Troy Fromin, Frensin Li və Professor Toru Tanaka kimi aktyorlar çəkiliblər.