Asiya Əlaqəsi

Amerikadan gələn Cek və Sem Cənub-Şərqi Asiyada bankları qarət etməklə məşğul olurlar. Növbəti soyğun zamanı onlar fərqində olmadan yerli narkobaronun pullarını ələ keçirirlər. Bu hadisədən sonra qəzəblənmiş cinayətkar qruplaşma oğruları hədəfə alır və onların izinə düşür.

Sem öldürüldükdən sonra Cek sevdiyi qadın Pomu tapır və onlar birlikdə hərəkət etməyə başlayırlar. İkili amansız narkotacirlər dəstəsinə qarşı təkbaşına mübarizə aparmaq məcburiyyətində qalır.

«The Asian Connection» adlı döyüş və kriminal dram filmi 2015-ci ildə ABŞ və Tailand kinematoqrafçıları tərəfindən birgə istehsal olunub. Ekran əsərinin rejissoru Daniel Zirillidir, əsas rolları isə Li Meyson, Daam Dasakorn, Con Li və Ron Smurenburg canlandırıb.