Yerə nəzarət

Uçuş-enmə dispetçeri Cek Harris üçün növbəti sərnişin reysi faciə ilə nəticələnir. İdarəetmədə baş verən xəta böyük təyyarə qəzasına və insanların həyatını itirməsinə gətirib çıxarır. Bu hadisədən sonra Harris sevimli peşəsini, ailəsini və ən bacarıqlı mütəxəssis adını itirir.

İllər keçdikdən sonra səmada başqa bir təyyarə ilə bağlı fövqəladə vəziyyət yaranır. Göyə qalxan həmin layneri təhlükəsiz yerə endirmək və sərnişinləri xilas etmək üçün təcrübəsi çatan yeganə şəxs yenə Cek Harris olur. Uğur şansının çox az olduğunu anlasa da, keçmiş dispetçer riskə getməyə qərar verir.

ABŞ istehsalı olan «Ground Control» filmi 1998-ci ildə işıq üzü görüb. Ekran əsərinin rejissoru Riçard Hovarddır. Əsas obrazları Vito D’Ambrosio, Mayk Kimmel, Marqaret Ço və Kelli MakGillis canlandırıblar.