Qayver 2: Qaranlıq qəhrəman

Qayver zirehinə sahib olan Şon mənasını aça bilmədiyi qəribə yuxuların təsirindən qurtula bilmir. İzah tapa bilmədiyi bu görüntülər onu birbaşa arxeoloji qazıntı zonasına aparır. Həmin ərazidə gəncin hər səhər kağıza köçürdüyü cizgilərə bənzəyən naməlum yadplanetli gəmisi tapılmışdır.

Araşdırma mərkəzinə çatan qəhrəman yadplanetlilərin artıq qazıntı yerinin ətrafında dolaşdığını görür. Qorxulu varlıqların fəaliyyətinin qarşısını almaq üçün Şon möcüzəvi texnologiyaya malik döyüş zirehini yenidən işə salmaq məcburiyyətində qalır.

«Guyver: Dark Hero» filmi 1994-cü ildə rejissor Stiv Van tərəfindən ekranlaşdırılmışdır. ABŞ və Yaponiya istehsalı olan layihədə baş rolları Koiti Sakamoto, Neytan Lonq, Bruno Patrik və Styuart Uayss canlandırırlar.