Donma nöqtəsi

Minnesota meşələrinin dərinliyində tənha yaşayan dul qadın Barb qış vaxtı balıq ovuna yollanır. O, mərhum əri ilə ilk görüşünün keçdiyi Hilda gölünə çatmaq istəyir, lakin qəfil başlayan çovğun səbəbindən yolunu azır. Qadın meşədəki yad bir evə rast gəlir və burada odun doğrayan naməlum kişi ilə qarşılaşır. Həyətdəki qan izini və avtomobildəki silahı görən Barba həmin şəxs maral ovladığını söyləyir və gölə gedən yolu göstərir.

Təyinat yerinə çatan qadın tilovlarını hazırlayarkən atəş səsləri eşidir. Maşınının arxasında gizlənən Barb həmin kişinin əlləri bağlı gənc bir qızı təqib etdiyinin şahidi olur. Şəbəkə rabitəsinin və köməyin olmadığı bu kimsəsiz yerdə qadın əsiri təkbaşına xilas etmək qərarına gəlir.

«Donma nöqtəsi» (Dead of Winter) trilleri rejissor Brayan Kirk tərəfindən ekranlaşdırılıb. ABŞ, Kanada və Almaniya istehsalı olan bu 2025-ci il filmində baş rolları Kuan Hosti-Bleyni, Dalton Lib, Brayan F. O’Birn və Cudi Qrir canlandırıb.