Gülləkeçirməz

Arçi Mouzes cinayət yoldaşı Rok Kitslə birlikdə maşın oğurluğu ilə məşğuldur və onu ən yaxın dostu hesab edir. Lakin Rukun əsl adı Cek Karterdir və o, gizli fəaliyyət göstərən polis əməkdaşıdır. Polisin əsas hədəfi isə Arçinin rəhbəri olan narkobaron Frenk Koltonu yaxalamaqdır. Lakin böyük əməliyyat zamanı hər şey qarışır: narkobaron hadisə yerinə gəlmir, Cekin kimliyi üzə çıxır və qarışıqlıqda Arçi təsadüfən dostunun başına atəş açır.

Sağ qalmağı bacaran və müalicədən sonra işinə qayıdan Cek keçmiş dostunun federal hakimiyyətlə razılığa gəlmək istədiyini öyrənir. Təhlükəli şahidi aradan qaldırmaq istəyən Koltondan qorunmaq və cəzasını yüngülləşdirmək üçün Arçi ifadə verməyə razılaşır. Lakin onun bir şərti var: məhkəməyə qədər onu məhz Cek müşayiət etməlidir.

1996-cı il istehsalı olan «Gülləkeçirməz» kriminal döyüş və komediya janrındadır. ABŞ istehsalı olan filmin rejissoru Ernest R. Dikersondur. Baş rolları Deymon Uayans, Ksander Berkli, Sven-Ole Torsen və Liza Akselrod canlandırıblar.