Warhunt

1945-ci ildə ABŞ ordusuna məxsus yük təyyarəsi idarəetməni itirərək Şvarsvald meşəsində, düşmən xəttinin arxasında qəzaya uğrayır. Mayor Conson təcili tapşırıq verir: əsgərlər dərhal təyyarənin daşıdığı məxfi materialları ələ keçirməlidir.

Çavuş Brüer qrupu ilə birlikdə meşənin dərinliklərinə doğru irəliləyir. Ərazidə asılmış nasist əsgərlərinin cəsədlərini və qədim sehrli simvolları görən heyət, çox keçmədən meşədə gizlənən fövqəltəbii güclərin hücumuna tuş gəlir.

2021-ci il istehsalı olan bu döyüş və qorxu filmi ABŞ və Latviya kinematoqrafçılarının birgə işidir. Rejissor Mauro Borrellinin ekranlaşdırdığı lentdə baş rolları Frederik Vaqner, Edqars Samitis, Aleks Mills və Kristofer Hanter ifa edib.