Lost City Raiders

Qlobal fəlakətlər nəticəsində başlayan sürətli istiləşmə Yer kürəsinin simasını büsbütün dəyişir. Əriyən nəhəng buzlaqlar Dünya okeanının səviyyəsini qısa müddətdə qaldıraraq materikləri su altında qoyur və sivilizasiyanı dağıdır. Tomas və Cek adlı iki qardaş ataları ilə birlikdə batmış şəhərlərin qalıqları arasında dəyərli əşyalar axtarmaqla məşğul olur.

Ailə Vatikan nümayəndələrindən qədim bir tapşırıq alır. Onlar qədim Misirin su tanrısı Sobekə aid əfsanəvi əsanı tapmalıdırlar, çünki bu yadigardan qlobal daşqının qarşısını almaq üçün istifadə etmək planlaşdırılır. Lakin sərvətini üzən şəhərlərə yatırmış rusiyalı milyonçu Filimonov qəhrəmanların bu axtarışına mane olmağa çalışır.

Almaniya istehsalı olan «Lost City Raiders» macəra filmi 2008-ci ildə ekranlara çıxıb. Ekran əsərinin quruluşçu rejissoru Jan De Seqonzakdır. Əsas rolları Ceremi Kratçli, Şon Hiqqs, Bettina Tsimmerman və Ben Kross canlandırıblar.