Underverden

Kopenhagen şəhərində uğurlu kardiocərrah kimi fəaliyyət göstərən Zaid burada yeni həyat qurmağı bacarıb. İraq əsilli həkim Danimarka cəmiyyətinə tam uyğunlaşsa da, onun kiçik qardaşı tamam fərqli yol seçərək narkotik aludəçisinə çevrilib.

Cinayətkarlar qardaşını qətlə yetirdikdən sonra Zaid polis tərəfindən heç bir kömək görmür. Ədaləti rəsmi qurumlardan tapa bilməyən həkim qatillərin izinə özü düşmək qərarına gəlir. «Underverden» filmi dinc həyat sürən bir insanın cinayət aləmi ilə toqquşmasını nümayiş etdirir.

2017-ci il Danimarka istehsalı olan bu döyüş və dram filminin rejissoru Fenar Ahmaddır. Əsas obrazları Dar Salim, Magnus Bruun Nielsen, Morten Holst və Azad Khidir canlandırıb.