Avqustda 5 gün

«5 Days of War» («Avqustda 5 gün») hərbi filmi 2008-ci ildə Gürcüstan və Rusiya arasında baş vermiş silahlı qarşıdurmanı əks etdirir. Süjet xətti qaynar nöqtəyə yollanaraq hərbi əməliyyatları lentə almağa çalışan amerikalı jurnalist və onun operatorunun ətrafında qurulub.

Amerikalı müxbirlər yerli gürcü sakinləri ilə birlikdə döyüş meydanında cərəyan edən toqquşmaların şahidi olurlar. Ekran əsəri bu çətin günlərdə hərbi münaqişə zonasına düşən mülki vətəndaşların və xarici müxbirlərin gözü ilə baş verənləri canlandırır.

Ekran işinin rejissorluğunu Renni Harlin həyata keçirib. ABŞ və Gürcüstan istehsalı olan dram 2011-ci ildə işıq üzü görüb, əsas rollarda isə Hizer Qrem, Stiven Robertson, Emmanuel Şriki və Anna Uolton çəkiliblər.