Dərinlikdən gələn təhlükə

Müxtəlif mutantların meydana çıxması insanları artıq təəccübləndirməsə də, dəniz suları gözlənilməz yırtıcıları gizlətməkdə davam edir. Açıq dənizdə hərəkət edən gəmiyə nəhəng ikibaşlı köpəkbalığı hücum edir. Bu qanlı toqquşmadan sonra sağ qalan bəzi sərnişinlər yaxınlıqdakı kimsəsiz adaya çıxmağı bacarırlar.

Xilas olanlar adada kömək gözləməyə çalışsalar da, vəziyyət daha da çətinləşir. Adada qəfil daşqın başlayır və quru parçası tədricən suyun altında qalır. İkibaşlı bədheybət isə dənizdə ovunu gözləyərək insanları son sığınacaqlarından da məhrum edir.

«Dərinlikdən gələn təhlükə» (2-Headed Shark Attack) filmi 2012-ci ildə ABŞ-da istehsal olunub. Rejissor Kristofer Reyin çəkdiyi bu fantastik qorxu layihəsində baş rolları Karmen Elektra, Bruk Hoqan, Cerald Uebb və Entoni E. Valentin canlandırıb.