Pitonlar 2

Çeçenistan səmasında qiyamçılar tərəfindən vurulan ABŞ hərbi təyyarəsi qəzaya uğrayır. Təyyarənin daşıdığı məxfi bioloji silah tezliklə rus hərbçilərinin nəzarətinə keçir. Qutularda nə olduğunu anlamayan əsgərlər konteynerləri açır və təhlükəli varlığı sərbəst buraxırlar.

Amerika rəhbərliyi vəziyyəti nəzarətə götürmək və obyektin izini tapmaq üçün əraziyə xüsusi təyinatlı dəstə göndərir. Hər şeyi məhv etmək üçün laboratoriyada yetişdirilmiş nəhəng yırtıcını zərərsizləşdirmək naminə rus və amerikalı hərbçilər birgə hərəkət etmək məcburiyyətində qalırlar.

«Python 2» elmi-fantastik döyüş filmi rejissor L.A. MakKonnell tərəfindən lentə alınıb. ABŞ və Bolqarıstanın birgə istehsalı olan bu ekran əsəri 2001-ci ildə nümayiş olunub. Baş rolları Xristo Şopov, Velizar Binev, Mayk Mitçell və Borislav İliyev canlandırıblar.