İşğal: Yer Kürəsi

İngiltərəli həkim Tomas Dann azyaşlı qızının vaxtsız vəfatından sonra dərin kədərə qərq olur və sabaha olan inamını itirir. Qəlbindəki bu ağır boşluq davam edərkən, həyat yoldaşının yenidən hamilə olduğunu öyrənir.

Sevinc və qorxunun bir-birinə qarışdığı həmin gün gözlənilməz bir fəlakət baş verir. Bəşəriyyət yadplanetlilərin qəfil hücumu ilə üzləşir və bütün Yer kürəsi qlobal bir təhlükə altına düşür.

2019-cu il istehsalı olan «Invasion Planet Earth» elmi-fantastik dram filmi Böyük Britaniya və Fransanın birgə layihəsidir. Ekran işinin rejissoru Saymon Koksdur. Əsas rolları Rocer Hardinq, İen Reddinqton, Lüsi Drayv və Pol Linkoln canlandırıblar.