Nomad: Başlanğıc

Gizli bir təşkilat bəşəriyyəti idarə etmək üçün təhlükəli təcrübələr aparır. Yadplanetli genləri insanlara köçürərək yad sivilizasiyaya tam tabe olan yeni qul irqi yaratmaq istəyirlər. Lakin sınaqdan keçən şəxslərdən biri itaətdən çıxır və laboratoriyadan qaçmağı bacarır.

Qaçqın bu gizli qurumun rəhbərini aradan qaldırmaq niyyətindədir. Məqsədinə çatmaq üçün ona öz beynində eşitdiyi səs kömək edir. Özünü Nomad adlandıran bu naməlum varlıq ona yol göstərməyə başlayır.

ABŞ istehsalı olan «Nomad: The Beginning» fantastik döyüş filmi 2013-cü ildə ekranlara çıxıb. Rejissor Tomas Diksonun çəkdiyi layihədə Coşua Deroşe, Klint Qlenn, Tayler Vikerz və Nataşa Blasik baş rolları canlandırıb.