Düşmən arxasında

İkinci Dünya müharibəsi zamanı 761-ci tank batalyonunun minaextarma heyəti ən təhlükəli tapşırıqları yerinə yetirirdi. Qaradərili əsgərlərdən ibarət olan bu dəstə ordu daxilində davamlı olaraq ayrı-seçkiliklə üzləşirdi. Növbəti əsassız ittiham nəticəsində istehkamçıların komandiri Heyz hərbi tribunal qarşısına çıxarılır. Lakin məhbusu aparan karvan almanların hücumuna məruz qalır və zabit fürsətdən istifadə edərək meşəyə qaçır.

Ağaclıqda gizlənən Heyz təyyarəsi vurulmuş amerikalı pilot Ross ilə qarşılaşır. Düşmən xəttinin arxasında, vəhşi təbiətin qoynunda tək qalan iki həmvətən xilas olmaq üçün birgə hərəkət etmək məcburiyyətindədir. Öz qoşunlarına çatmaq üçün onlar əvvəlcə bir-birlərinə etibar etməyi öyrənməlidirlər.

ABŞ istehsalı olan «Düşmən arxasında» (Come Out Fighting) hərbi filmi 2022-ci ildə rejissor Stiven Lyuk tərəfindən çəkilib. Əsas rolları Maykl Rikert, Aaron Kurto, Qari Devid Kist və Viselos Reon Şennon canlandırıb.