Demək olar ki, insanlar

Fransalı antropoloq sovet aliminin İkinci Dünya müharibəsindən əvvəl Alp dağlarında tapdığı qəribə neandertal kəlləsi barədə qeydlərə rast gəlir. Tapıntının cəmi bir neçə yüz illik keçmişə aid olduğunu öyrənən tədqiqatçı qədim insan növünün bu günə qədər yaşadığını sübut etmək istəyir. O, oğlu və keçmiş tələbəsi ilə birgə ekspedisiyaya yollanır, dağ yolunda isə maşına turist ailəsini mindirirlər.

Səfər qəza ilə nəticələnir: avtomobil dərəyə yuvarlanır və professor həlak olur. Xilas olanlar dərin yarğandan çıxış yolu axtarmağa məcbur qalırlar. Təbiətlə mübarizə aparan heyət tezliklə arxasınca düşən naməlum varlığın ovuna çevrilir.

«Humains» filmi Pyer-Olivye Tevenen və Jak-Olivye Molon tərəfindən çəkilib. Fransa, İsveçrə və Lüksemburq istehsalı olan ekran əsəri 2009-cu ildə işıq üzü görüb. Baş rollarda Filipp Naon, Mark Olinger və Menom Turnye çıxış edirlər.