Qara ildırım

ABŞ Hərbi Hava Qüvvələrinin gizli bölməsində xidmət edən polkovnik Con Sends istefaya getmək qərarına gəlir. Məxfi məlumatlara bələd olduğu üçün rəhbərlik onu buraxmaq istəmir və nəticədə zabit bazanı özbaşına tərk edərək qaçır.

Çox keçmədən tapılan Sendsə xüsusi şərt irəli sürülür. İstədiyinə nail olmaq üçün o, oğurlanmış X-77 bombardmançı təyyarəsini tapıb geri qaytarmalıdır. Əfqanıstanın şimalında aparılan bu əməliyyat üçün cəmi iyirmi dörd saat vaxt verilir, əks halda hərbçilər təyyarəni polkovniklə birgə məhv edəcək.

«Flight of Fury» döyüş filmi 2007-ci ildə ABŞ, Böyük Britaniya və Rumıniyanın birgə istehsalı ilə lentə alınıb. Rejissoru Maykl Koyş olan ekran əsərində baş rolları Deniel Raymer, Nikolaye Konstantin Tanase və Seyra Payton canlandırıb.