Təhlükəli tapşırıq

Təyyarəçi Şon Haqerti kiçik təyyarəsi ilə riskli bir uçuş həyata keçirir. Göyərtədə narkokartelə məxsus qanunsuz yük var və bu çatdırılmanı başa vurmaq üçün onun cəmi bir saat vaxtı qalır.

Sükan arxasında əyləşən Şon eyni vaxtda bir neçə tərəflə əlaqə saxlamaq məcburiyyətindədir. O, muzdlu qatili və Narkotiklərlə Mübarizə İdarəsinin agentini hər şeyin plan üzrə getdiyinə inandırmalı, həmçinin həyat yoldaşının təhlükəsizliyindən əmin olmalıdır.

ABŞ istehsalı olan «Beast of Burden» filmi 2018-ci ildə işıq üzü görüb. Ekran əsərinin rejissoru Yesper Qanslandtdır, əsas rolları isə Qreys Qammer, Robert Uizdom, Ceyms Heltsel və Şon Qlover canlandırıblar.