Lazarat

«Lazarat» filmi müasir Albaniyanın kiçik bir qəsəbəsində cərəyan edən hadisələri ekrana gətirir. Qəsəbə sakinləri bütün Avropaya paylanan narkotik maddələrin istehsalı ilə məşğuldur və həyatlarını bu qanunsuz qazancla təmin edirlər.

Cinayətkarlığın qarşısını almaq demək olar ki, mümkün deyil, çünki yerli polis əməkdaşları narkotacirləri himayə edir və onlardan gəlir götürür. İnsanlar yalan və təhlükənin hər addımda hiss olunduğu bir mühitdə yaşamağa məcbur qalırlar.

ABŞ istehsalı olan bu döyüş və triller filmini rejissor Uilyam Kaufman lentə alıb və ekran əsəri 2018-ci ildə işıq üzü görüb. Əsas rollarda İvan Makareviç, Besart Kallaku, Koloreto Cukali və Sonni Puzikas çıxış edirlər.