Artur və Merlin: Kamelot Cəngavərləri

Roma İmperiyası ilə onilliklər boyu davam edən qanlı mübarizədən sonra yorğun düşmüş Kral Artur nəhayət evinə yollanır. Lakin Kamelotda onu ağır xəbər gözləyir: onun yoxluğundan istifadə edən qeyri-qanuni oğlu Mordred özünü yeni hökmdar elan edib. Qəsbkar təkcə taxt-taca sahiblənməyib, həm də kraliça Qvineveraya göz dikib.

Qanuni monarx hakimiyyəti geri almaq və xanımının şərəfini qorumaq üçün yenidən silaha sarılmalı olur. Artur Dəyirmi Masanın sadiq cəngavərlərini ətrafına toplayaraq mübarizəyə başlayır. Lakin sehrbaz Merlinin bu çətin anda köməyə gəlib-gəlməyəcəyi hələ bəlli deyil.

Böyük Britaniya istehsalı olan «Arthur & Merlin: Knights of Camelot» macəra filmini rejissor Cills Alderson lentə alıb. 2020-ci ildə nümayiş olunan ekran əsərində baş rolları Riçard Şort, Stella Stoker, Pol Mark Devis və Cennifer Metter canlandırıblar.