Danger! Danger!

Macəraçı Conatan Deyencer Afrika yaxınlığındakı gizli bir adaya qəza enişi edir. Təyyarənin sərt yerə dəyməsi nəticəsində ciyəri zədələnən qəhrəman birbaşa adada yerləşən kommunistlərin düşərgəsinə düşür. Bu əraziyə gələn hər kəsin tək bir məqsədi var: keçmişə getməyə imkan verən əfsanəvi qədim məbədi tapmaq.

Rəqib dövlətlərin kəşfiyyatçıları keçmişə qayıdaraq İkinci Dünya müharibəsinin, Soyuq müharibənin və kosmik yarışın nəticələrini dəyişməyə çalışırlar. Təslim olmaq istəməyən Conatan kommunistlərin əlindən qaçmağı bacarsa da, adadakı digər təhlükəli qruplaşmanın əsirinə çevrilir.

ABŞ istehsalı olan «Danger! Danger!» macəra və fantastika filmi rejissorlar Leksi Findarle Trivundza və Nik Trivundza tərəfindən lentə alınıb. 2021-ci ildə ekranlara çıxan filmdə əsas rolları Ryan Bonyadi, Aleksandra Keller, Pol Haapaniemi və Benedikt Mazurek canlandırıblar.