Bölmə 8

Əfqanıstandakı pusqudan sağ çıxan hərbçi Ceyk Aterton və onun komandiri Tom Meyson mülki həyata qayıdırlar. Ceyk əmisi Erlın avtotəmir emalatxanasında işə düzəlir. Lakin yerli cinayətkarların emalatxanadan xərac tələb etməsi hər şeyi dəyişir: keçmiş əsgər hədə-qorxu gələnləri döyərək əmisini qoruyur.

Cinayətkarlar qisas almaq üçün Ceykin ailəsini qətlə yetirirlər. Ağır itki ilə üzləşən veteran bütün qruplaşmanı təkbaşına məhv edir. Dəstə başçısı ölməzdən əvvəl bu qətlin kənardan verilən xüsusi sifariş olduğunu etiraf edir. Qisasdan sonra həbsxanaya düşən Atertonun qarşısına gizli hökumət təşkilatının rəhbəri Remsi çıxır və ona «Bölmə 8» adlı gizli orqana xidmət müqabilində azadlıq təklif edir.

«Bölmə 8» filmi döyüş və triller janrında rejissor Kristian Sesma tərəfindən çəkilib. ABŞ istehsalı olan bu 2022-ci il layihəsində baş rolları Rayan Kvanten, Kit Kompton, Robert LaSardo və Kortni Loren Penn canlandırıb.