Mühasirədə gecə

Naməlum şəxslərin hücumuna məruz qalan yaralı qadın gecə saatlarında travmatologiya mərkəzinin təcridxanasına yerləşdirilir. Gücdən düşmüş xəstə xəstəxana divarları arasında tək qaldığı vaxt iki muzdlu qatil binaya daxil olur. Cinayətkarların əsas məqsədi onları səs-küylü cinayətlərlə əlaqələndirən mühüm sübutu ələ keçirməkdir.

Sağ qalmaq istəyən qadın gücünü toplayaraq təqibçilərindən gizlənməyə və qaçmağa məcbur olur. Həmin vaxt təcrübəli polis veteranına zərərçəkmişi qorumaq tapşırılır. O, xəstəxananı hədəfə alan qatillərin qarşısını almaq üçün vaxtında müdaxilə etməyə çalışır.

ABŞ istehsalı olan «Trauma Center» filmi döyüş və triller janrında lentə alınıb. 2019-cu ildə təqdim olunan layihənin rejissoru Mett Eskandaridir. Baş rolları Bryus Uillis, Nikki Uilan, Roman Mitiçyan və Lorin Kent canlandırıb.