Böyük dördlük

Qanundan yayına bilən cinayətkarları cəzalandıran dörd nəfərlik gizli dəstə uzun müddət ədaləti öz bildiyi kimi bərpa edir. Qrupun rəhbəri və yaradıcısı qətlə yetirildikdən sonra isə döyüşçülər fəaliyyətlərini dayandırmaq qərarına gəlirlər. Hər kəs öz yolu ilə gedir və təhlükəli keçmişi geridə qoyur.

İllər ötdükdən sonra onların dinc həyatı qəfil pozulur. Rəhbərlərini aradan götürən qatil indi də komandanın sağ qalan üzvlərinin izinə düşür. «Böyük dördlük» (The Big Four) filminin qəhrəmanları sağ qalmaq üçün yenidən bir araya gəlib silaha sarılmalı olurlar.

İndoneziya istehsalı olan bu komediya və döyüş filmini rejissor Timo Tyacanto 2022-ci ildə lentə alıb. Əsas rollarda Marşa Timoti, Abimana Aryasatya, Budi Ros və Maykl Xo çəkiliblər.