Yad Planet

Qlobal ekoloji fəlakətdən sonra Yer kürəsinin bütün səthi su altında qalır. Cəmiyyətin elita təbəqəsi Kepler-209 planetinə köçsə də, oradakı atmosfer şəraiti ucbatından insanlar artıq övlad sahibi ola bilmirlər. Həyatın yenidən bərpasının mümkünlüyünü yoxlamaq məqsədilə doğma planetə üç alimdən ibarət ekspedisiya göndərilir.

Tədqiqatçıların gəmisi suya eniş edərkən qəzaya uğrayır. Nəticədə heyət üzvlərindən yalnız bir qadın sağ çıxmağı bacarır. İndi bəşəriyyətin gələcək taleyi təklikdə onun görəcəyi işlərdən asılı vəziyyətə düşür.

«The Colony» adlı fantastik triller filminin rejissoru Tim Felbaumdur. Almaniya və İsveçrənin birgə istehsalı olan bu ekran əsəri 2021-ci ildə işıq üzü görüb. Əsas rollarda Nora Arnezeder, Yoel Basman, Enn Müller və Selma Jamal Aldin çəkiliblər.