Qodzila: Mənfi bir

İkinci Dünya müharibəsinin sonlarında kamikadze Koiti Şikişima təyyarəsini Odo adasındakı təmir bazasına endirir. Həmin gecə hərbi düşərgəyə yerli sakinlərin Qodzila adlandırdığı nəhəng bir varlıq hücum edir. Bu fəlakətdən sağ çıxan Koiti dağıdılmış Tokioya qayıdır, lakin valideynlərinin həlak olduğunu və evinin yerlə-yeksan edildiyini görür. O, həyatını yenidən qurmağa çalışarkən ailəsini itirmiş və yad bir körpəni xilas etmiş gənc qadınla bir araya gəlir.

Zaman keçdikcə Şikişima Tokio körfəzində dəniz minalarını təmizləyən qrupa qoşulur və gündəlik qayğılarla yaşamağa başlayır. Lakin onların kiçik taxta kateri açıq dənizdə yenidən həmin bədheybətlə üz-üzə gəlir. Bikini atolundakı nüvə sınaqlarından sonra daha da böyüyən və qəzəblənən nəhəng kərtənkələ indi bütün ölkəni təhdid edir.

«Qodzila: Mənfi bir» fantastik dram filmi 2023-cü ildə Yaponiyada rejissor Takashi Yamazaki tərəfindən çəkilib. Ekran əsərində əsas rolları Ryo Onishi, Takumi Nishigaki, Yuho Mochinaga və Masaichi Wanibuchi canlandırıblar.