Qaçırılma

Kuinn Vyetnamdakı parkların birində, fəvvarənin içindən çıxaraq özünə gəlir, lakin kim olduğunu və bura necə düşdüyünü xatırlamır. Şəhərdə çaşqın vəziyyətdə dolaşarkən onun yaddaşında keçmişin ayrı-ayrı epizodları canlanmağa başlayır. Tezliklə o, qızı Lüsinin başqa bir ölçüdən gələn naməlum qüvvələr tərəfindən qaçırıldığını anlayır.

Doğma övladını xilas etmək istəyən ata təhlükəli və amansız düşmənlərlə üz-üzə gəlmək məcburiyyətində qalır. «Qaçırılma» filmi baş qəhrəmanın yadplanetli varlıqlara qarşı apardığı ölüm-dirim mübarizəsindən bəhs edir.

Ekran əsərinin quruluşçu rejissoru Erni Barbaraşdır. Böyük Britaniya, Çin və Vyetnam istehsalı olan bu fantastik triller 2019-cu ildə işıq üzü görüb.