Teslanın vəsiyyəti

Los-Ancelesdə baş verən qeyri-adi seysmik fəallıq gənc bir aspirant qızın diqqətini cəlb edir. Tədqiqata başlayan tələbə tezliklə gizli fəaliyyət göstərən təşkilatla üz-üzə gəlir. Məlum olur ki, bu qrup Nikola Teslanın kəşflərindən təkcə zəlzələlər yaratmaq üçün deyil, həm də insanların şüurunu idarə etmək məqsədilə istifadə edir.

İşlər aspirantın professorunun qəfil yoxa çıxması ilə daha da mürəkkəbləşir. Müəllimini axtarmaq qərarına gələn qəhrəman «Final Frequency» trillerində təhlükəli bir yola qədəm qoyur və qəsdçilərin izinə düşür.

ABŞ istehsalı olan elmi-fantastik filmin rejissoru Tim Louridir. 2020-ci ildə nümayiş olunan layihənin baş rollarında Kərbi Bliss Blenton, Kelvin Harrison, Kira Lok və Karmen Moreno çəkiliblər.