Vampirlər 2: Ölülər günü

Vatikan yüzilliklər boyu dünyanı təhlükədən qorumaq üçün vampirlərə qarşı gizli mübarizə aparır. Kilsənin xeyir-duası və gümüş güllələrlə təchiz edilmiş təcrübəli ovçular qaniçənlərin yayılmasının qarşısını almağa çalışırlar. Lakin bu dəfə onları adi qarşıdurmalardan qat-qat çətin bir sınaq gözləyir.

Peşəkar vampir ovçusu Derek Bliss döyüşlərdə bərkimiş keşiş Adam Qito ilə birləşərək Meksikaya yollanır. Bu torpaqlarda fövqəladə gücə malik olan Una adlı qadın vampir peyda olub və o, öz ətrafına bədheybətlər ordusu toplayır.

«Vampires: Los Muertos» filmi 2001-ci ildə ABŞ və Meksika tərəfindən birgə istehsal edilib. Rejissor kürsüsündə Tommi Li Uollesin əyləşdiyi trillerdə baş rolları Con Bon Covi, Nataşa Qreqson Vaqner, Ana Luiza Pardo və Heraldina Sinat canlandırır.